Link açıqlığı

Saatnıñ esas haberi

Tımçuk: Qırımda Rusiye vatandaşlığını qabul etmegenler telüke astındalar


«İnformatsionnoye Soprotivleniye» gruppasınıñ malümatına köre, Qırımda «Rusiye vatandaşlığından red etüv» ketişatı Moskvağa riayetkâr olmağan insanlarnıñ tapuv ve taqibine çevirildi.

Bunı öz Facebook saifesinde Arbiy-siyasiy taqiqatlar merkeziniñ yolbaşçısı Dmıtro Tımçuk bildirdi.

Onıñ sözlerine köre, «vatandaşlıqtan rey etüv» ketişatı ğayet qıyındır. Yani, zaruriy vesiqalarnıñ resmiyleştirüvine ve Federal migratsion hızmeti organlarında nevbetlerde turmaq içün bir afta vaqit kete.

«Rusiye vatandaşlığını red etken insanlarnıñ evlerine «halq imayesi»niñ temsilcileri bara ve işbu vatandaşlardan Qırımdan ketmege talap eteler. Aks alda küçni qullanmağa söz bereler. Böyle adiseler Aqmescit ve Sudaqta qayd etilgen edi» – dey Tımçuk.

O eminr, böyle tarikler Rusiye Federatsiyasınnı FMH-niñ iştiragi ile keçirile.

Tımçuk qayd ete ki, vatandaşlarnıñ razılığı olmadan olarğa grajdanlıqnıñ berüvi halqara qanunlarnıñ qaba bozuluvı ola.
XS
SM
MD
LG