Rusiye kinematografistleri ukrain rejissöri ve stsenariyler müellifi Oleg Sentsov içün advokatnı celp etmek içün para toplanacağını ilân ettiler, dep haber ete Azatlıq Radiosı.
Hatırlatamız, mayıs 11-de Oleg Sentsovnı Qırımda FSB hadimleri yaqaladı. Onı terakt teşkil etilmesinde qabaatlaycaq olalar. Birazdan onı Moskva SİZOsına avuştırğanlar degen malümat peyda oldı.
«Seans» Rusiye kinomecmuası rejissör Aleksandr Sokurovnıñ Sentsov oğrağan vaziyet aqqında izaatlarını derc ete: «Men bu rejissörniñ nevbetteki filmini körmege isteyim. Men bu filmni bekleyim. Onıñ Qırım, Kiyev, Lvov, Donbass, Peterburg ve Varşavada film çıqarmaq imkân olmasını isteyim... Zemaneviy pek mürekkep adise-vaqialarnıñ bediiy idrağı kerek olğan er yerde».
Hatırlatamız, kinorejissör Ahtem Seytablayev sanat adamlarını icat etmek imkânından marum qaldırmamağa çağırdı. Böyleliknen o, zenaatdaşı Oleg Sentsovğa qol tuttı, ve o, terrorist olmağanını qayd etti.
Ahtem Seytablayevniñ fikirince, Rusiye siyasetçileri ve akimiyeti er yerde demokratiya aqqında aytsalar, başqa noqtaiy-nazar qabul etilmesinen bunı tasdıqlamalılar. O, emin ki, kinematografistlerniñ Rusiye ve Rusiye akimiyetine açıq muracaatları olmaq kerek, dep bildire StopTsenzuri portalı.
Hatırlatamız, mayıs 11-de Oleg Sentsovnı Qırımda FSB hadimleri yaqaladı. Onı terakt teşkil etilmesinde qabaatlaycaq olalar. Birazdan onı Moskva SİZOsına avuştırğanlar degen malümat peyda oldı.
«Seans» Rusiye kinomecmuası rejissör Aleksandr Sokurovnıñ Sentsov oğrağan vaziyet aqqında izaatlarını derc ete: «Men bu rejissörniñ nevbetteki filmini körmege isteyim. Men bu filmni bekleyim. Onıñ Qırım, Kiyev, Lvov, Donbass, Peterburg ve Varşavada film çıqarmaq imkân olmasını isteyim... Zemaneviy pek mürekkep adise-vaqialarnıñ bediiy idrağı kerek olğan er yerde».
Hatırlatamız, kinorejissör Ahtem Seytablayev sanat adamlarını icat etmek imkânından marum qaldırmamağa çağırdı. Böyleliknen o, zenaatdaşı Oleg Sentsovğa qol tuttı, ve o, terrorist olmağanını qayd etti.
Ahtem Seytablayevniñ fikirince, Rusiye siyasetçileri ve akimiyeti er yerde demokratiya aqqında aytsalar, başqa noqtaiy-nazar qabul etilmesinen bunı tasdıqlamalılar. O, emin ki, kinematografistlerniñ Rusiye ve Rusiye akimiyetine açıq muracaatları olmaq kerek, dep bildire StopTsenzuri portalı.
