Aqmescitniñ mesken rayonında maşina patlavğa oğradı. Saibi sağ qaldı

Aqmescitniñ 1-y Konnoy Armii soqağında 17-b evi yanında Daewoo Nexia yengil maşinasında patlav yüz berdi.

Vaqia şaatları Qırım.Aqiqat saytına bergen malümatqa köre, maşina qırımtatarlar toplu yaşağan Borçoqraq (Fontanı) qasabasına bir obadan kirecek edi. Bu daqqada küçlü patlav yüz berdi.
Berilgen malümatqa köre, vaqia yerinden evi bir qaç on metr mesafede yerleşken aydavcı Rustem maşinadan alıp taşlandı, lâkin o, turıp, özü ev tarafına çaptı. Onıñ ciddiy yanıqları bar.

Patlav neticesinde 10 qatlı evde cam parlandı. Maşina parçaları er bir tarafqa tüşti. Bazırlarnıñ fikirince, maşinada gaz ballonı bar edi ve o, patlav sebebi oldı. Lâkin maşinada ballon yoq edi.

Vaqia şaatlarınıñ tahminlerine köre, patlav maşinada olğan patlav maddesi bar olğanından sebep yüz berdi.

Aydavcıdan ğayrı iç kimse zarar körmedi. Onı ise «acele yardım» maşinası alıp ketti. Vaqia yerine MÇS ve politsiya hadimleri keldi. Olar olıp keçken adiseni izaatlamaylar. Yanğın söndürgende, maşina bütünley yanğan edi.