Link açıqlığı

Saatnıñ esas haberi

Yatsenük: Ukraina Rusiye ile eki taraflı muzakereler keçirmeycek


Ukraina baş naziri Arseniy Yatsenük Rusiye ile Ukraina buhranınıñ al etilmesinen bağlı eki taraflı muzakereler olmaycağını bildire.

Nikolayevde olıp keçken milliy birlik tögerek masasında Yatsenük Rusiye Ukrainağa qarşı istilâ etkeni, halqara qanunlarnı bozğanı, Avropa havfsızlığı sistemasını yoq etkenini añlattı, dep haber ete Azatlıq Radiosı.

Ukraina baş naziri Ukraina, Rusiye, AQŞ ve AB iştiraki ile Jeneva formatında ekinci körüşüvge azır olğanını bildirdi.

«Bizler «Jeneva-2» formatına azırmız – bu Ukraina, AB, AQŞ ve Rusiye. Lâkin körüşmezden evel angi meseleler boyunca añlaşacağımıznı belgilemeli, aksine degil, körüştik, soñra ise siyasiy mevam olsun dep, neticesiz körüşüvlerni aytıp yürmek», – dep ayttı Yatsenük.

O, Rusiyeni eki taraflı añlaşmalarğa riayet etmege çağırdı ve Ukraina eki taraflı añlaşmalarğa riayet etmege azır olğanını bildirdi.
XS
SM
MD
LG