İşğal etilgen Qarasuvbazarda XIX asırnıñ camisi yataqhane olaraq qullanıla.
Bunı Qırım musulmanları Diniy idaresiniñ matbuat hızmeti bildire.
Qırımtatarlarnıñ sürgünliginden evel cami «Yeldırım maalesi camisi» adını taşıy edi, onıñ yüksek minaresi bar edi. 1944 senesinden soñ Sovet akimiyetiniñ emirinen, minareni yoq ettiler, binanı ise yataqhanege çevirdiler. Bugünde-bugün anda sekiz qoranta yaşay.
Aqsaqal Bilâl İlyasov aytqanına köre, binanı qaytaruv işi 1989 senesi başlandı. Bugünge qadar bu mesele boyunca bir de bir netice olmadı. Yerli akimiyet musulman cemiyetiniñ muracaatına cevap berip, şimdi anda yaşağan adamlarnı başqa yerge avuştırmaq imkân olmağanını ayta.
QMDİ malümatına köre, 1944 senesine qadar Qarasuvbazarda 27 cami bar edi, olar er 2-3-ünci soqaqta yerleşe ediler.
Müftiyat matbuat hızmetinde qayd etkenlerine köre, Rusiye Federatsiyasında «Rusiye Federatsiyası subyektleri ya da şeerlerine ait ibadet inşaatları diniy teşkilâtlarnıñ mal-mülkine ya da qullanuvı içün parasız berilüv aqqında» qanun bar.
Hatırlatamız, Qırım «akimiyeti», «Cumhuriyet mal-mülki fondu» olaraq, Kiyev Patriarhatınıñ Ukraina Pravoslav Kilsesiniñ Qırım Yeparhial İdaresine 2050 senesine qadar kirağa berilgen bina icaresiniñ şartlarını deñiştirip, icare fiyatını qat-qat arttırdı.
Bunı Qırım musulmanları Diniy idaresiniñ matbuat hızmeti bildire.
Qırımtatarlarnıñ sürgünliginden evel cami «Yeldırım maalesi camisi» adını taşıy edi, onıñ yüksek minaresi bar edi. 1944 senesinden soñ Sovet akimiyetiniñ emirinen, minareni yoq ettiler, binanı ise yataqhanege çevirdiler. Bugünde-bugün anda sekiz qoranta yaşay.
Aqsaqal Bilâl İlyasov aytqanına köre, binanı qaytaruv işi 1989 senesi başlandı. Bugünge qadar bu mesele boyunca bir de bir netice olmadı. Yerli akimiyet musulman cemiyetiniñ muracaatına cevap berip, şimdi anda yaşağan adamlarnı başqa yerge avuştırmaq imkân olmağanını ayta.
QMDİ malümatına köre, 1944 senesine qadar Qarasuvbazarda 27 cami bar edi, olar er 2-3-ünci soqaqta yerleşe ediler.
Müftiyat matbuat hızmetinde qayd etkenlerine köre, Rusiye Federatsiyasında «Rusiye Federatsiyası subyektleri ya da şeerlerine ait ibadet inşaatları diniy teşkilâtlarnıñ mal-mülkine ya da qullanuvı içün parasız berilüv aqqında» qanun bar.
Hatırlatamız, Qırım «akimiyeti», «Cumhuriyet mal-mülki fondu» olaraq, Kiyev Patriarhatınıñ Ukraina Pravoslav Kilsesiniñ Qırım Yeparhial İdaresine 2050 senesine qadar kirağa berilgen bina icaresiniñ şartlarını deñiştirip, icare fiyatını qat-qat arttırdı.
