Link açıqlığı

Qırım «akimiyeti» Ukraina prezidenti saylavlarınıñ rey berüv esnasında iştirak etecek qırımlılarnı «yahşı etip» közetecek.

Bunı işğal etilgen Qırım Federal migratsion hızmetindeki idarede olğan menbalar bildire.

«Prezident saylavları arfesinde ve mayıs 25-de Ukraina pasportınen qıtağa çıqqan yarımada sakinleri Rusiye Federatsiyasınıñ sıñırcıları tarafından Federal migratsion hızmetiniñ ayrı bir bazasına kirsetilecek», – dep bildirdi Vesti neşiriniñ subetdeşi.

Onıñ aytqanına köre, ileride bu malümatlar Rusiye vatandaşlığını qabul etken qırımlılarnıñ malümatlarınen qıyaslanacaq.

«Malümat aynı olsa, bunı eki vatandaşlıqnı gizlemek ıntıluvı olaraq tanımaları mümkün, bundan sebep belli bir uquqiy aqibetler ola bile», – dep qayd etti menba.

Devlet saylayıcılar cedveliniñ belgilev hızmet reberiniñ muavini Aleksandr Stelmah bildirdi ki, 6 biñden ziyade Qırım sakini qıtaiy Ukrainada prezident saylavlarında rey bermek istedi.

Bundan evel Rusiye parlamenti rusiyelilerden eki vatandaşlıq bar olğanını qayd etmege talap etken, buña qulaq asmağanlar ise cinaiy mesülietke çekilecegini tasdiqlağan qanunnı birinci ve ekinci oquvda qabul etti.
XS
SM
MD
LG