Link açıqlığı

Çarşenbe künü, mayıs 21-de, Şanhayda «Gazprom» ve CNPC Qıtay milliy cermay gaz şirketi arasında Rusiye tabiiy gazınen Qıtaynı teminlev aqqında añlaşma imzalandı. Bu añlaşma 30 yıl devamında yılda 38 milliard kubometr gaznı şarqiy yoldan keçirüvni nazarda tuta.

Vesiqa Rusiye prezidenti Vladimir Putinniñ Qıtay ziyareti çerçivesinde imzalandı, dep haber ete Azatlıq Radiosı.

«Gazprom» reberi Aleksey Miller bildirdi ki, añlaşmanıñ umumiy fiyatı – 400 milliard dollardır. Aynı vaqıtta añlaşmada qayd etilgen gaz fiyatı aydınlatılmay. «Ticariy sırdır», – dep ayttı o.

Rusiye ve Qıtay arasında gaz añlaşmasınıñ tizilüv meselesi on yıldan berli muzakere etile, lâkin taraflar fiyat boyunca añlaşıp olamağan ediler.
XS
SM
MD
LG