Link açıqlığı

Rostov, Belgorod ve Brânsk vilâyetleriniñ poligonlarında talimler keçirgen Rusiye Silâlı quvetleriniñ arbiy bölükleri daimiy bulunuv yerlerine qaytalar.

Bunı Rusiye mudafaa Nazirliginiñ matbuat hızmeti bildire.

Rusiye kütleviy malümat vastaları alğan malümatlarğa köre, «arbiy bölükler bir sutka içinde alan lagerleri ve ögretüv-malümat bazalarını bozdı, eşyalarnı topladı, yürüş ötkerilmesine tehnikanı azırlap, demir yol stantsiyaları ve uçaq alanlarına yol alalar».

AQŞ ordu kâtibi John McHugh bildirdi ki, AQŞ Rusiye ordularınıñ Ukraina sıñırında areket etkenlerini kördi, lâkin ordularnıñ bütünley çekilmesi qayd etilmey.

NATO malümatına köre, Rusiye Ukraina ile sıñırda aman-aman 40 biñ arbiy adamnı tuta.

Ukraina sıñır hızmetiniñ salı künü bergen malümatlarına köre, Rusiyede Ukraina sıñırından 10 kilometr mesafede ordular yoq. Uzaqta yerleşken ordular çekildimi-yoqmı belli degil.
XS
SM
MD
LG