Link açıqlığı

Bügün «spiker muavini» olaraq tayinlengen Remzi İlyasov jurnalistlerge bu qarar Mecliste alınğanı aqqında bildirdi.

«Bu mesele üç ay devamında baqıldı. Biz epimiz mayısnıñ 18-den soñ men Devlet Şurasında vazifelerime buyuracağım aqqında qarar aldıq», - dedi İlyasov.

İlyasov milletlerara munasebetler ve sürgün etilgen grajdanlarınıñ problemleri ile bağlı ve halqnıñ qaytarılması meselelerinde Rusiye Prezidenti Vladimir Putinnıñ avalelerni ömürge keçirmege niyetlene.

Mayısnıñ 21-de Qırım «parlamenti» Rezmi İlyasovnı «spiker muavini» vazifesine tayinledi. Umümen 77 deputattan bu qararğa 74 deputat qol tuttu, biri bitaraf oldı, ve ekisi aslı rey bermedi. Vladimir Konstantinov ise Remzi İlyasovnıñ tayinini «hayırlı işaret» dep köre.

Keçken afta «kelişikli» qırımtatarlarnıñ delegatsıtyası Soçide Vladimir Putin ile körüşti. Körüşüvde qırımtatar halqnıñ problemleri aqqında laf yürsetildi. Delegatsıya erkânında Remzi İlyasov da bar edi.
XS
SM
MD
LG