Link açıqlığı

«Ural ava yolları» şirketi Qırım ava seferlerini aça. Yekateriburg, Nijniy Novgorod, Samara ve Çelâbinsk şeerlerinden ucuz biletlernen Aqmescitke barıp kelmege imkân olacaq, dep haber ete İTAR-TASS.

Ava şirketiniñ matbuat hızmeti bildire ki, Yekaterinburg imtiyaz reysleri mayıs 25-de başlanacaq, qalğanları – iyün 1-den.

«Ava şirketi ve Rusiye aviatsiyası arasında añlaşma imzalanğan soñ, ucuz biletler satılacaq. Eki tarafqa biletniñ fiyatı tahminen 6 biñden ziyade rubleni teşkil etecek», – dep qayd eteler ava şirketinde.

İyün 13-den başlap er afta Aqmescit ava seferleri «Bılina» ava şirketinde olacaq.

Qırım ucuz ava seferlerini kirsetmege azır olğan «AK Bars Aero», «Alrosa», «Nordavia», «Red Wings», «Sibir», «Uralskiye avialinii», «Yakutiya» ve «Yamal» ava şirketlerinden arizalar keldi, dep bildirgen ediler Rusiye aviatsiyasında.
XS
SM
MD
LG