Link açıqlığı

Qırımda «Qırım Cumhuriyeti Devlet Şurasınıñ» prezidium toplaşuvı keçti. Kün tertibindeki suallerinden biri – Qırım nazirler Şurasınıñ «reis muavini» vazifelerni eda etken Lenur İslâmovnıñ işten boşatılmasıdır.

Qırım.Aqiqat mühbiriniñ aytqanı kibi, bu sualni «baş nazir muavini»niñ faaliyetini tenqit etken deputat Lentun Bezaziyev kirsetti.

Prezidium kün terkibinde olğan meseleni alğışladı ve işbu sualni mayıs 21-de, çarşenbe künü, Qırım «parlamenti»niñ toplaşuvında muzakere etecek. Mında deputatlar «baş nazir muavini» işten boşatmaq ya yoq degen qararnı alacaqlar.

Qırım Cumhuriyetiniñ «ban nazir muavini»niñ matbuat hızmeti bu malümatnı izaatlamay.
Matbuat kâtibi Elmaz Asanovanıñ sözlerine köre, cumhuriyetiniñ başı vazifelerini eda etkeniniñ muavini meşğuldir ve bu malümatnı izaatlap olamay.

«Lenur Edemoviç pek meşğuldir ve bu malümatnı izaatlap olamay. Ne derecede meşğul olğanını tasavur etmeysiñz. İzaatlar içün Bezaziyevge muracaat etiñiz», – dedi Asanova.
Qıqırımtatar milliy Meclis reisi Refay Çubarov da Qırım.Aqiqatqa izaatlarnı bermege razı olmadı.

2014 senesi aprel 2-de «Qırım Cumhuriyet Devlet Şurası» Qırım nazirler Şurasında «reis muavini» vazifelerni eda etmege Lenur İslâmovnı, milletler ve sürgün etilgen vatandaşlarnıñ işleri boyunca Cumhuriyet komitetiniñ «reisi» Zaur Smirnovnı tayinlemege qarar aldı. Ekisi de bu vazifelerge qırımtatar milliy Meclis tarafından yollanıldı.
XS
SM
MD
LG