Link açıqlığı

DHC narazılıq numayışına cevap olaraq milliyleştirüv aqqında ilân etti


«Donetsk halq cumhuriyetiniñ» (DHC) liderlerinden biri Denis Puşilin regionda milliyleştirüvni ilân etti, dep bildire Radio Svoboda.

Twitterde yazğanı kibi, DHC bergilerni ödemege razı olmağan Donetsk oligarhı Rinat Ahmetov Donbass halqına qarşı adım attı. «Kiyevde bergilerniñ ödenilmesi Donbass terrorınıñ maliye destegidir», – dep yaza Puşilin.

Üylede, salı künü, Donetsk ve Lugansk vilâetleriniñ şirketlerinde zulum ve separatizmge qarşı tenbiyelev grevi başlandı. Numayışqa qomşu Dnepropetrovsk vilâyetiniñ şirketelri de qoşuldı.

Aynı şu zamanda Donetskniñ «Donbass-Arena» stadionında 400-den ziyade insan «Sulh marşı»nda iştirak etti. Ukraina bayrağı asıldı, ekranda Rinat Ahmetovnıñ tünevinki telemuracaatı kösterildi.

«İnterfaks»nıñ malümatına köre, Donetsk merkezinde «Sulh marşı»na destekni bildirgen maşna saiplerini tayaqları olğan insanlar toqtatıp, maşnalardan çıqmağa ve numayış iştirakçilerine destekni bildirmemege talap ete edi.

Bunıñnen beraber Donbassta Ukraina prezidenti nevbetten tış saylavlarına keder etecek olalar.
XS
SM
MD
LG