Link açıqlığı

İşğal etilgen Aqyarda soñki eki afta içinde ilâclar bayağı paalaştı.

Bunı Aqyar şeer memuriyetiniñ iqtisadiy inkişafı idaresiniñ yolbaşçısı vazifesini eda etken Vadim Poyarkov bildirdi.

«İlâclarnıñ ukrain istisalcıları Aqyar çarşısından kete, şunıñ içün aphanelerde ilâclarnıñ fiyatları köterile. Amma eñ müim mesele şunda ki, al-azırda ilâc fiyatlarını kötergen insafsız iş adamlarını nezaret etken ve cezalağan federal organı daa işke başlamadı», – dedi memur.

O şunı da qayd etti ki, Aqyarda evelden ilâclarnıñ nezareti, istimalcı aqlarınıñ qoruvı boyunca inspektsiya bar edi, antimonopol komiteti bar edi, dep bildire Poyarkvonıñ sözlerini «Krıminform».

Bugün bu organlar çalışmay ve şeer ilâchanelerinde fiyatlar nezaret etilmey.

Hatırlatamız, işğal etilgen Keriçte tükânlarnıñ beştahtaları boşaldı. «ATB» tükânlarından kolbas ve süt mahsulatı bütünley yoq oldı. Suv, turşu , şekerleme mahsulatınıñ beştahtaları boş tura, – dep ayta Qırım.Aqiqat mühbiri.
XS
SM
MD
LG