Link açıqlığı

Ukraina işğal sebebinden Qırım limanlarında havfsızlıqnı temin etip olamay


Ukraina Halqara deñiz teşkilâtınıñ (IMO) memleket-azalarını işğal etilgen Qırımnıñ deñiz limanlarında zaruriy havfsızlıqnı ve halqara mecburiyetlerniñ riayetini temin etmek imkâniyeti olmağanını haber etti.

Bunı Ukraina infrastruktura Nazirliginiñ matbuat-hızmeti bildire.

Söz Kezlev, Keriç, Aqyar, Kefe, Yalta limanları aqta kete. Nazirlikte aytqanları kibi, böyle qararnıñ sebebi – Ukraina bönuna alğan halqara mücberiyetlerni temin etip olamay. Çünki Qırım limanları yarımadanıñ işğali sebebinden İnfrastruktura nazirliginiñ nezareti altından çıqqandır.

«Bu sebepten Qırım ve Aqyarnıñ deñiz limanlarınada mülkiyet havfınıñ olması da mümkün. Bu aqta deñiz devletleri da haberdardır»,– dep aytalar mında.

Mayıs başında İnfrastruktra nazirliginiñ ricası ve çetel işler nazirliginiñ avalesi ile Büyük Britaniyada Ukraina elçihanesi IMO kâtibiyetine, memleket-azalarına, çetel şirketlerniñ vekillerine mütenasip malümatnı bildirdi eken.
XS
SM
MD
LG