Link açıqlığı

Qırımda «Qırım Cumhuriyeti Devlet Şurasınıñ» prezidium toplaşuvı keçe. Kün tertibindeki suallerinden biri – Qırım nazirler Şurasınıñ «reis muavini» vazifelerni eda etken Lenur İslâmovnıñ işten boşatılmasıdır.

Qırım.Aqiqat mühbiriniñ aytqanı kibi, bu sualni «baş nazir muavini»niñ faaliyetini teñqit etken deputat Lentun Bezaziyev kirsetti.

Prezidium kün terkibinde olğan meseleni alğışladı ve işbu sualni mayıs 21-de, çarşenbe künü, Qırım «parlamenti»niñ toplaşuvında muzakere etecek. Mında deputatlar «baş nazir muavinini» işten boşatmaq ya yoq, degen qararnı alacaqlar.

2014 senesi aprel 2-de «Qırım Cumhuriyet Devlet Şurası» Qırım nazirler Şurasında «reis muavini» vazifesini eda etmege Lenur İslâmovnı, milletler ve sürgün etilgen vatandaşlarnıñ işleri boyunca Cumhuriyet komitetiniñ «reisi» olaraq Zaur Smirnovnı tayinlemege qarar aldı. Ekisi de bu vazifelerge qırımtatar milliy Meclis tarafından yollanıldı.
XS
SM
MD
LG