İşğal etilgen Qırımda teraktlarnıñ teşkil etilmesinde qabaatlanğan daa bir aktivistni yaqaladılar.
KrımSOS malümatına köre, kinorejissör Оleg Sentsovnıñ yaqalanğanından soñra FSB hadimleri mayıs 16 künü Aqmescitte Aleksandr Kolçenkonı yaqalap, Moskvağa yolladılar.
Şimdi malüm olğanı kibi, onı, Оleg Sentsovnı kibi, terrorizmde qabaatlaylar.
«Saşa pek belli olmasa da, Qırım studentlerine, Herson maşnaquruyıcı zavodınıñ hadimleri, «Krımtrolleybus» hadimlerine qol tutuv numayışlarda iştirak ete edi», – dep haber ete KrımSOS.
Avtomaydan aktivisti, rejissör Оleg Sentsov FSB hadimleri tarafından Aqmescitte mayıs 11 künü yaqalanğan edi.
Mayıs 18 künü yarımadada sürgünlikniñ 70 yıllığına bağışlanğan rekviyemni keçirmege yasaq ettiler, Aqmescit merkezini OMON ve arbiy tehnika sarıp aldı. Mayıs 19-da gece «Qırım imayesi» Qırım jurnalisti Osman Paşayevni ve matbuat vastalarınıñ daa bir qaç vekilini yaqaladı. Jurnalistlerni 10 saat devamında sorğudan keçire ediler. Olardan telefon, planşet, noutbuk ve diger tehnikanı tutıp aldı ve alâ daa qaytarmadılar.
KrımSOS malümatına köre, kinorejissör Оleg Sentsovnıñ yaqalanğanından soñra FSB hadimleri mayıs 16 künü Aqmescitte Aleksandr Kolçenkonı yaqalap, Moskvağa yolladılar.
Şimdi malüm olğanı kibi, onı, Оleg Sentsovnı kibi, terrorizmde qabaatlaylar.
«Saşa pek belli olmasa da, Qırım studentlerine, Herson maşnaquruyıcı zavodınıñ hadimleri, «Krımtrolleybus» hadimlerine qol tutuv numayışlarda iştirak ete edi», – dep haber ete KrımSOS.
Avtomaydan aktivisti, rejissör Оleg Sentsov FSB hadimleri tarafından Aqmescitte mayıs 11 künü yaqalanğan edi.
Mayıs 18 künü yarımadada sürgünlikniñ 70 yıllığına bağışlanğan rekviyemni keçirmege yasaq ettiler, Aqmescit merkezini OMON ve arbiy tehnika sarıp aldı. Mayıs 19-da gece «Qırım imayesi» Qırım jurnalisti Osman Paşayevni ve matbuat vastalarınıñ daa bir qaç vekilini yaqaladı. Jurnalistlerni 10 saat devamında sorğudan keçire ediler. Olardan telefon, planşet, noutbuk ve diger tehnikanı tutıp aldı ve alâ daa qaytarmadılar.
