Ukraina halq deputatı Mustafa Cemilevniñ oğlu – Hayser daa bir ay devamında apiste olacaq. Böyle qarar mayıs 19 künü keçirilgen mahkemede alındı, dep yaza «Komsomolskaya Pravda».
Elâk olğan Fevzi Edemovnıñ ağası – Asan Cemilevniñ adliyecisi Hayserniñ işi boyunca cinaiy ketişatnıñ baqıluvı içün appelâtsiyanı beregenini aytıp keçti. «İş sebeplerini iyün 20-ne qadar ögrenecekler, bu vaqıtqace Hayser apiste olacaq» – dedi o.
Edemovnıñ sözlerine köre, iyün ayında Cemilevniñ cinaiy işinde noqta qoyıp, qabaatını seslendirmek kerekler.
Hayser 2013 senesi mayıs 27 künü öz Bağçasaray evindeki azbarında yaqalanğan edi. Onıñ atışı neticesinden yerli sakin, 43 yaşında olğan Fevzi Edemov elâk oldı. Mustafa Cemilevniñ sözlerine köre, silânı oğlı onıñ evinden alğan eken.
Kiyevde etilgen ruhiy teşkerüv Hayserniñ sağlam olğanını kösterdi. Prokuratura onı huligan sebeplerden etilgen öldürüvde qabaatlay. Maddeniñ cezası 10-15 yıllıq ya da ömürniñ soñuna qadar apis cezasıdır.
Yarımadanıñ işğalinden soñ Hayser Cemilevniñ işini Qırım «prokuraturasına» «hatalarnı tüzetmek içün» yolladılar. Bunıñnen beraber mayıs 15 künü Rusiye uquq qorçalayıcıları Cemilevniñ oğlunıñ işi boyunca taqiqatlarğa inanmağanını aytıp, halq deputatı Mustafa Cemilevniñ evinde tintüvni keçirdiler.
Elâk olğan Fevzi Edemovnıñ ağası – Asan Cemilevniñ adliyecisi Hayserniñ işi boyunca cinaiy ketişatnıñ baqıluvı içün appelâtsiyanı beregenini aytıp keçti. «İş sebeplerini iyün 20-ne qadar ögrenecekler, bu vaqıtqace Hayser apiste olacaq» – dedi o.
Edemovnıñ sözlerine köre, iyün ayında Cemilevniñ cinaiy işinde noqta qoyıp, qabaatını seslendirmek kerekler.
Hayser 2013 senesi mayıs 27 künü öz Bağçasaray evindeki azbarında yaqalanğan edi. Onıñ atışı neticesinden yerli sakin, 43 yaşında olğan Fevzi Edemov elâk oldı. Mustafa Cemilevniñ sözlerine köre, silânı oğlı onıñ evinden alğan eken.
Kiyevde etilgen ruhiy teşkerüv Hayserniñ sağlam olğanını kösterdi. Prokuratura onı huligan sebeplerden etilgen öldürüvde qabaatlay. Maddeniñ cezası 10-15 yıllıq ya da ömürniñ soñuna qadar apis cezasıdır.
Yarımadanıñ işğalinden soñ Hayser Cemilevniñ işini Qırım «prokuraturasına» «hatalarnı tüzetmek içün» yolladılar. Bunıñnen beraber mayıs 15 künü Rusiye uquq qorçalayıcıları Cemilevniñ oğlunıñ işi boyunca taqiqatlarğa inanmağanını aytıp, halq deputatı Mustafa Cemilevniñ evinde tintüvni keçirdiler.
