Rusiye Federatsiyasınıñ insan aqları boyunca vekâletli Ella Pamfilova öz teşebbüsi ile mayıs 18-de Aqmescitte Qırım jurnalisti ile olğan adiseni ögrenmege qarar aldı.
Bunı Rusiye ombudsmeniniñ matbuat hızmeti bildire.
«İnsan aqları boyunca vekâletli Ella Pamfilova Aqmescitte qırımtatarlarnıñ sürgünligi 70 yıllığına bağışlanğan matem tedbirlerni aydınlatqan yerli jurnalistniñ yaqalanğanı sebebinden raatsızlanğanını bildire. O,Osman Paşayevniñ yaqalanğanını ve onıñ adliyecisiz keçken çoq saatlı sorğunı insan aqlarınıñ bozuluvı kibi tanıy», – denile beyanatta.
Osman Paşayev, ATR qırımtatar telekanalınıñ haber bölüginiñ sabıq baş muarriri, Aqmescitte qırımtatar sürgünligi 70 yıllığına bağışlanğan adiselerni aydınlata edi.
Mayıs 18 künü o, operator ve diger jurnalistler ile beraber Aqmescit merkezinde «halq imayesi» tarafından yaqalanğan edi. Başta onı Kirova caddesi, 26 adresi boyunca yerleşken «Qırım halq imayesi» ştabına, soñra Futbolistov soqağındaki Merkeziy ROVD bölügine ketirdiler. Olardan telefon, planşet, noutbuklarnı tutıp aldı ve alâ daa qaytarmadılar.
Bu ziddiyetten soñ Paşayev Qırımnı terk etmege qarar aldı.
Bunı Rusiye ombudsmeniniñ matbuat hızmeti bildire.
«İnsan aqları boyunca vekâletli Ella Pamfilova Aqmescitte qırımtatarlarnıñ sürgünligi 70 yıllığına bağışlanğan matem tedbirlerni aydınlatqan yerli jurnalistniñ yaqalanğanı sebebinden raatsızlanğanını bildire. O,Osman Paşayevniñ yaqalanğanını ve onıñ adliyecisiz keçken çoq saatlı sorğunı insan aqlarınıñ bozuluvı kibi tanıy», – denile beyanatta.
Osman Paşayev, ATR qırımtatar telekanalınıñ haber bölüginiñ sabıq baş muarriri, Aqmescitte qırımtatar sürgünligi 70 yıllığına bağışlanğan adiselerni aydınlata edi.
Mayıs 18 künü o, operator ve diger jurnalistler ile beraber Aqmescit merkezinde «halq imayesi» tarafından yaqalanğan edi. Başta onı Kirova caddesi, 26 adresi boyunca yerleşken «Qırım halq imayesi» ştabına, soñra Futbolistov soqağındaki Merkeziy ROVD bölügine ketirdiler. Olardan telefon, planşet, noutbuklarnı tutıp aldı ve alâ daa qaytarmadılar.
Bu ziddiyetten soñ Paşayev Qırımnı terk etmege qarar aldı.
