Link açıqlığı

İşğal etilgen Qırım mektepleri mezunlarınıñ yarısından ziyadesi Rusiye vatandaşları oldı


Mektep mezunlarınıñ aman-aman 55% Rusiye Federatsiyasınıñ pasportını elde etti, dep ayttılar Qırım «tasil ve ilim Nazirliginde».

Bunı Qırım «ükümetiniñ» matbuat hızmeti bildire.

Qırım tasil ve ilim «naziri» Natalya Gonçarovanıñ aytqanına köre, mayıs 19-na qadar Kefede mektep mezunlarına Rusiye Federatsiyası pasportlarınıñ 97% berildi, Saqta – 93%, Aqmescitte – 31%, Sudaqta – 20%.

Gonçarova bildirdi ki, Qırım mektepleriniñ er mezunı eñ yaqın vaqıtta pasport alacaq.

Federal migratsion hızmetiniñ malümatına köre, Rusiye regionlarında, Qırım ve Aqyardan ğayrı, qırımlılardan 13,844 biñ ariza qabul etildi, 3,4 biñ pasport resmiyleştirildi. Pasportnı elde etkenler arasında – 3979 veteran Qırımdan ve 1106 – Aqyardandır. Qırımda Rusiye Federatsiyasınıñ aman-aman 552 biñ pasportı azırlanıldı.
XS
SM
MD
LG