Link açıqlığı

Mayıs 18-de qırımtatar halqı sürgünlik kününen bağlı matem tedbirlerini aydınlatqan jurnalistlerniñ ayaqlarını urdılar ve maneviy ceetten horladılar.

Bunı mayıs 18-de Rusiye mahsus hızmetleri tarafından yaqalanğan jurnalistler arasında olğan Osman Paşayev Facebook saifesinde yazdı.

«Qol tutqanlarğa teşekkür bildirem. Haberler eñ çoq fayda ketirdi. Çünki saat birden beşke qadar bir kimsege haber etmege imkân olmadı. Dört saat devamında divarğa baqıp turmağa mecbur ettiler. Eñ deşetlisi şunda ki, meni qaldırmayıp Aksönovnıñ samooboronası artından Kirov, 26 adresi boyunca ketken daa beş adam zarar kördi. Meni pek urmadılar, bir qaç kere ayaqlarını urdılar. Er kes özüni tuttı, lâkin maneviy ceetten horlav beden zararından qat-qat fenadır», – dep yazdı Paşayev.

Onıñ malümatına köre, jurnalistlerniñ üç planşeti, üç routeri, bilgisayar ve dört smartfonnı hırsızladılar. Paşayev Tatyana Montânğa muracaatta bulunıp, «Qırım samooboronasına» qarşı işte onıñ advokatı olmağa rica etti.

Osman Paşayev Qırımda qırımtatarlar sürgünliginiñ 70 yıllığına bağışlanğan matem tedbirlerini aydınlattı. Bundan sebep onı, operatornı ve daa bir qaç jurnalistni yaqaladılar. Olarnı 10 saatten soñ azat ettiler.

Qırım «akimiyeti» bu sene qırımtatarlarğa Aqmescit merkezinde toplaşıp, matem mitingini keçirmege yasaq etti. Şeer merkezini rusiyeli arbiyler ve tehnika sarıp aldılar.
XS
SM
MD
LG