Link açıqlığı

Tbiliside bazar künü Gürcistannıñ sabıq parlamenti yanındaki Rustaveli caddesinde qırımtatarlarnıñ sürgünligi qurbanlarınıñ hatırasına numayış olıp keçti.

Onıñ teşkilâtçıları Tbilisi yaşlar teşkilâtları, Gürcistannıñ azerbaycan cemiyeti ve tacik diasporanıñ vekilleri oldı.

Numayış bir saat devam ete edi, oña Tbilisiniñ sakinleri ve ukrain turistleri qoşula edi.

Aktsiyada iştirak etken İliya Devlet universitetiniñ professorı Oleg Panfilov Gürcistan cemaatında qırımtatarlar ve ukrainlilerge nisbetten ciddiy birdimlik duyğusınıñ bar olğanını ayttı.

Panfilovnıñ fikrince, Gürcistan ve Ukraina öz coyğan toprağını, Moskvanıñ ümütine baqmadan, daa da ertece qaytarır.

Qırımtatarlar Ukrainanıñ avropalı yolunıñ çerçivesinde mıtlaqa öz devletçiligini elde eter, dep bildirdi aktsiya iştirakçisi professor Oleg Panfilov.

XS
SM
MD
LG