Varşavada Rusiye elçihanesi yanında qırımtatarlarnıñ sürgünligi 70 yıllığı munasebeti ile matem toplaşuvı keçti. Bu tedbirni yerli Avromaydan keçirdi. Mında ukrain, leh, qazan ve qırımtatarlar, beloruslar iştirak etti, dep haber ete Radio Svoboda mühbiri.
Olar qırımtatarlarnı Rusiye işğali ile qaldırmaycağını ve ileride de olarğa qol tutmaq içün numayışlarnı keçirelecegini ve Rusiye teşviqatına baqmadan, Avropa Birligi memleketlerinde Qırım vaziyeti aqqında aqiqatnı bildirecegini ayta ediler.
Sürgünlikte elâk olğan qırımtatalranıñ hatırasına yerli sakinler Rusiye elçihanesi yanında çıraqlarnı yaqtı. Salı künü Avromaydan-Varşava Rusiyege arbiy gemilerni bergen Frenkistan elçihanesi yanında numayışlarnı keçirecek ola.
Böyle toplaşuvnı Rusiye Gdansk elçihanesi yanında keçirdiler. Lüblin ve Krakovda sürgünlikniñ 70 yıllığı munasebeti ile leh aktivistleri qırımtatar halqınıñ facialı taqdirine bağışlanğan Powrót («Avdet») gazetasını taraqata edi.
Bugün Aqmescitniñ Aq-Meçet qasabasında sürgünlikniñ qurbanlarınıñ hatırasına bağışlanğan mitinginde 15 biñden ziyade insan iştirak etti.
Umumqırım matem mitinginiñ rezolütsiyasında bütün demokratik quvetlerine, devletlerniñ Akimiyet ve Parlamentlerine, halqara teşkilâtlarğa qırımtatar halqınıñ aqqlarınıñ saqlanmasına ve Vatanında inkişaf etilmesine qol tutmağa çağıruv belgilene.
Olar qırımtatarlarnı Rusiye işğali ile qaldırmaycağını ve ileride de olarğa qol tutmaq içün numayışlarnı keçirelecegini ve Rusiye teşviqatına baqmadan, Avropa Birligi memleketlerinde Qırım vaziyeti aqqında aqiqatnı bildirecegini ayta ediler.
Sürgünlikte elâk olğan qırımtatalranıñ hatırasına yerli sakinler Rusiye elçihanesi yanında çıraqlarnı yaqtı. Salı künü Avromaydan-Varşava Rusiyege arbiy gemilerni bergen Frenkistan elçihanesi yanında numayışlarnı keçirecek ola.
Böyle toplaşuvnı Rusiye Gdansk elçihanesi yanında keçirdiler. Lüblin ve Krakovda sürgünlikniñ 70 yıllığı munasebeti ile leh aktivistleri qırımtatar halqınıñ facialı taqdirine bağışlanğan Powrót («Avdet») gazetasını taraqata edi.
Bugün Aqmescitniñ Aq-Meçet qasabasında sürgünlikniñ qurbanlarınıñ hatırasına bağışlanğan mitinginde 15 biñden ziyade insan iştirak etti.
Umumqırım matem mitinginiñ rezolütsiyasında bütün demokratik quvetlerine, devletlerniñ Akimiyet ve Parlamentlerine, halqara teşkilâtlarğa qırımtatar halqınıñ aqqlarınıñ saqlanmasına ve Vatanında inkişaf etilmesine qol tutmağa çağıruv belgilene.
