Link açıqlığı

Mayıs 18 künü Aqmescitte sürgünlik qurbanlarınıñ hatırasına bağışlanıp keçken umumqırım matem mitinginiñ rezolütsiyasında bütün demokratik quvetlerine, devletlerniñ Akimiyet ve Parlamentlerine, halqara teşkilâtlarğa qırımtatar halqınıñ aqqlarınıñ saqlanmasına ve Vatanında inkişaf etilmesine qol tutmağa çağıruv belgilene.

Qırımtatar halqınıñ aqlarınıñ peketilmesi boyunca ilk adımları olaraq, iştirakçiler şunı talap ettiler: qırımtatar halqınıñ sürgünligi neticesinde deñiştirilgen tarihiy adlarnı ğayrıdan yaratmaq; Qırım Cumhuriyetiniñ icraiy ve qanun çıqarıcı akimiyetiniñ organlarında qırımtatarlarnıñ tarafından saylanğan qırımtatarlarnıñ temsilcilligini temin etken qanunlarnı qabul etmek.

Bundan da ğayrı, rezolütsiyada qırımtatar halqınıñ umummilliy toplaşuvını – Qurultaynı ve onıñ tarafından teşkil etilgen milliy idare organı – qırımtatar milliy Meclisni Qırımnıñ tarihiy halqınıñ temsiliy organları kibi tanımağa talap bar.

Ayırıca mında qırımtatarlarğa nisbeten siyasiy, milliy ve diniy meseleler boyunca repressiyalarnıñ toqtatılmaı aqqında yazıla.




Bugün Aqmescitte qırımtatarlar toplu yaşağan Aq-Meçet qasabasında sürgünlik qurbanlarınıñ hatırasına bağışlanğan matem mitinginde 15 biñden ziyade insan iştirak etti. Resmiy «akimiyet»ten mitingde Qırım «baş nazir muavini» Lenur İslâmov bulundı.

Mitingde tatarlarnıñ bütündünya kongressniñ prezidenti Rinat Zakirov (Kazan şeeri) ve Qabardin-Balqar Cumhuriyetiniñ balqar halqınıñ aqsaqallarınıñ Şurası (Nalçik şeeri) Ahmad Baysiyev de iştirak ettiler.
XS
SM
MD
LG