Link açıqlığı

Canköy qırımtatarları Mustafa Cemilevniñ adını tekrarlap kete edi



Canköyde qırımtatar halqı sürgünliginiñ 70 yıllığına bağışlanğan hatıra yürüşi vaqtında iştirakçiler Mustafa Cemilevniñ adını tekrarlap kete edi.

Tsentr jurnalistskih rassledovaniy malümatına köre, Canköy ve Canköy rayonınıñ qırımtatarları şeer merkeziy yolları boyunca milliy bayraqlarnı alıp ve: «Millet! Vetan! Meclis! Qırım!» şiarlarını seslendirip kete edi.

Apansızdan iştirakçilerniñ bir qısmı «Mustafa!» adını bağırıp aytmağa başladı, kolonna da qırımtatar halqınıñ yetekçisi Mustafa Cemilevniñ adını seslendirmege başladı. Oña Qırım akimiyeti yarımadağa kirişni yasaq etken edi.

Polis, FSB hadimlerinden ğayrı, miting meydanını grajdan urbasına kiyingen, bronejilet, tayaq ve mahsus aletleri olğan insanlar sarıp aldı. Bu al mitingde bulunğan insanlar arasında memnüniyetsizlikni doğursa da, çatışma olmadı.
XS
SM
MD
LG