Cemilev Kiyevde qırımtatarlarnıñ sürgünlik kününe bağışlanğan tedbirlerde iştirak etti

Bugün Qırımdan qırımtatarlarnıñ sürgünligine bağışlanğan Ukraina paytahtında matem tedbirleri keçti

İştirakçiler Sofiyevskaya meydanında toplanıp, soñra cayav Şevçekno bağçasına yol aldılar. Yol boyu «Qırım – Ukrainadır!», «Millet! Vatan! Qırım!», «Allahu Akbar!» şiarlarını seslendire edi. İştirakçilerniñ ellerinde çeşit şiarlar ile olğan plakatlar bar edi.

Qırım.Aqiqat mühbiri aytqanı kibi, matem tedbirinde tahminen 2 biñ insan toplandı, olarnıñ çoqusı qırımtatarları degildir. Olarnıñ arasında dissidentler Aleksandr Podrabinek, Vladimir Bukovskiy bar edi.

Mitingni qırımtatar halqınıñ ve Ukraina gimni ile açtılar. Öz çıqışında qırımtatar halqınıñ yetekçisi Mustafa Cemilev bugün qırımtatarlar öz tarihiy toprağında on yıllar devamında küreşip kelgen tertibat ile rastkeldiler – işğalci akimiyet sürgünlik yıllığını keçirmege izin bermeyler.
Çıqışta bulunğanlar işğal çoqqa barmaycağına ve Qırım Ukraina terkibine qaytacağına ümüt etkenini bildirdiler.

Çıqışlardan soñ kolona ile Rusiye Federatsiyasınıñ elçihanesine barıp, sürgünlik qurbanlarınıñ hatırası ve Rusiye Qırımnıñ işğaline qarşılıqnı köstermek içün qırımtatarlarnıñ «Ant etkenmen» gimnini icra etmege teklif peyda oldı.