Mayıs 17 künü Aqmescitte qırımtatarlarnıñ toplu yaşağan Aq-Meçette olıp keçken «Yüregiñde ateş yaq» numayışı vaqtında polis hadimi ve tedbir iştirakçisi arasında ziddiyet yüz berdi.
Qırım.Aqiqat mühbiriniñ aytqanına köre, anda yerli caminiñ yanına qara şerit ile bağlanğan Ukraina bayrağı ile keldi. Bu areketni numayışta bulunğan uquq korçalayıcıları begenmedi.
Olar aman baуraqnı almağa talap ettiler, adam Ukraina vatandaşı olğanını aytıp, bunı etmege razı olmadı. Bundan da ğayrı, Ukraina bayrağınıñ oluvı Rusiye qanunlarında yasaq etilmey.
«Men Ukraina vatandaşı, mına men ukrain pasportım. Men qırımtatar halqına destegimini bildirmek içün memleketimniñ adından keldim», – dep añlattı adam. «Bir de bir devletniñ bayrağını yasaq etmege demokratik usulmı? Men Rusiye qanunını bozdımmı?» – dep berdi sualni uquq qorçalayıcı organlarınıñ hadimine numayışnıñ iştirakçisine.
Ziddiyet tahminen 10 daqiqa devam ete edi. Polis hadimi, istenilgen neticege yetip olamağan soñ, memuriy uquq bozuvı aqqında protokolnı yazmadan ketti.
Mayı 17 künü Aqmescitte olıp keçken «Yüregiñde ateş yaq» numayışında tahminen 500 insan iştirak etti.
