Link açıqlığı

«Yüreginde ateş aç» aktsiyası Kiyevde keçirildi


Bugün Kiyevde qırımtatar halqı qurbanlarınıñ hatırasına bağışlanğan «Yüreginde ateş aç» aktsiyası olıp keçti.

Aktsiya saat 20.00 Mihaylovskaya meydanında başlandı. Tedbirde Qırımğa kirip olamağan qırımtatarlarnıñ lideri Mustafa Cemilev iştirak etti.

Bunı qırımtatar faali Tamila Taşeva Facebook saifesinde bildirdi.


İştirakçiler qırımtatar timsali ve «NO GENOCIDE» yazısı olaraq tizilgen çıraqlarnı yaqtılar.

Yarın faaller matem mitingini keçirecekler – qırımtatar halqı sürgünliginiñ kününe bağışlanğan yürüş.

Hatırlatamız, Qırım akimiyeti «Yüreginde ateş aç» aktsiyasını keçirmege yasaq etti. Aqmescitteki Lenin meydanını arbiy adamlar sarıp aldı. Aktsiyada iştirak etecek olğan adamlarğa Aqmescit rayonınıñ Aqmeçet qasabasına barıp, dua oqumağa teklif ettiler.

Malüm ki, cuma künü Qırım «baş naziri» Sergey Aksönov «Ukraina şarqındaki adise-vaqialardan sebep», Qırımda iyün 6-na qadar kütleviy tedbirler keçirilmesini yasaq etti.
XS
SM
MD
LG