Link açıqlığı

Sürügünlikke bağışlanğan matem mitingı arfesinde OMON Aqmescitniñ merkeziy meydanını qapattı


Aqmescitniñ merkeziy meydannı Rusiye içki işler nazirligi hadimleri ile tolu. Olar anda mahsus ögrenüvler keçirip, ihtimal Mayıs 18-de ananeviy olğan mitingine azırlik köreler.

Qirim.Aqiqat korrespondentı bildirgenine köre, ögrenüvlerde eñ azdan bir qaç yüz OMON hadimleri iştirak ete.

Şeerniñ merkezi soqaqlarında avtozaklar ve bir qaç dane BTRler tura.

Bazar künü Aqmescitniñ merkeziy meydanında matem mitingi keçmek kerek edi, lâkin Sergey Aksönov onı lâğu etti.

Meclis ise, Mayıs 18 tedbirlerni Qırım boyu hatıra taşlar yanında keçirmege qarar aldı.

Umumqırım mitingı Aq-Meçet qasabasında saat 13-te keçirilmesi beklenile.

Aynı zamanda, Milliy Meclis Reisi qırımtatarlarğa merkeziy meydanğa ketmege yasaq etip olamağanını bildirdi.
XS
SM
MD
LG