Link açıqlığı

Saatnıñ esas haberi

Mustafa Cemilev semetdeşlerni öz aqlarını talap etmege çağırdı


Ukraina halq deputatı, qırımtatarlar lideri Mustafa Cemilev vatandaşlarına mayıs 18 künü Lenin meydanına kelip,öz aqlarını talap etmege çağırdı.

Bunı Qırım.Aqiqat korrespondentine qırımtatar halqnıñ lideri, Ukraina halq deputatı ayttı.

«Meclis semetdeşlerniñ havfsızlığı aqqında tüşüne, şunıñ içün o tedbirlerni şeerlerde ve rayonlarda keçirmege qarar aldı. Amma, men bellesem, halq ep bir Lenin meydanına çıqacaq. Em doğru yaparlar. Öz aqlarımız içün kureşmek kerekmiz. SSSR zamanında da bizlerge çoq şey yasaq ete ediler», - dedi Mustafa Cemilev.

Mustafa ağa özü mitingte olmaycağına yazıqsındı.

«Men yarın kelip olamaycam. Yasaqnı lâğu etmediler. Şunıñ içün bir kün coyup ta anda barıp olamayım», - dedi Mustafa Cemilev.

Hatırlatamız, Milliy Meclis qararına binaen, Mayıs 18 künü dua ve hatıra tedbirlerni hatıra taşlar yanında keçirmege teklif etildi.

Ondan evel, Qırım Cumhuriyetiniñ reis vazifesini eda etken Sergey Aksönov kütleviy merasimlerni İyün 6-na qadar yasaq etti.
XS
SM
MD
LG