Link açıqlığı

Yerli akimiyet qırımtatarlarnıñ matem mitingni keçirmek içün mezarlıq yerini tayin etti

Mitingte iştirak etmege istegen Aqmescit sakinleri Abdal mezarlığı yanında toplaşıp miting keçirip olalar. Bu aqta sürgünlik kününe bağışlanğan tedbirler boyunca teşkiliy komitetniñ qararında aytıla. Qararnı Qırım Cumhuriyetiniñ «reis» vazifesini eda etken Sergey Aksönov, baş-nazir muavini Lenur İslâmov ve sürgün olğunğanlarnıñ işleri boyunca Cumhuriyet komitetiniñ reisi Zaur Smirnov imzalağanlar.

Qırımnıñ başqa şeer ve rayon merkezlerinde saat 11-den saat 13-ke qadar mitingler ötkerilmesine razılıq berildi.

Ondan da ğayrı, baş-nazir muavini Lenur İslâmovğa ve Zaur Smirnovğa KHV arasında tolerant olmaq kerek olğanını ve adamlarnı kutleviy şekilde toplanmamasınıñ kerekligini añlatmaq içün vazifeler berildi.

Aynı zamanda, teşkiliy komitet, Mayıs 17 künü saat 20-den 23-ke qadar «Yüregiñde ateş yaq» aktsıyanı keçirmege razı oldı.

Qırımdaki devlet müessise binalarında Mayıs 18 künü Qırımdan qırımtatarlarnıñ, yunanlarnıñ, ermenilerniñ bulğarlarnıñ ve nemselerniñ sürgüni qurbanlarını añmaq maqsadınen Qırım Cumhuriyeti bayraqları tüşürülecek.

Bundan evel «Qırım Cumhuriyeti»niñ reis vazifesini eda etken Sergey Aksönov adamlar kutleviy toplanğan tedbirlerni İyün 6-na qadar keçirmege yasaq etti.

Milliy Meclis Reisi, Refat Çubarov Qırım «prokurorı»na bu qararnı qanunğa uyğulığını teşkirmekni rica etti.
XS
SM
MD
LG