Avropa Birligi Qırım işğalini tanımay ve qırımtatarlar aqqında unutmaycaq. Bunı AB kenişletüv ve Avropa qomşulıq siyaseti işleri komissarı Štefan Füle bildirdi, dep haber ete Azatlıq Radiosı.
«Menim qırımtatarlarnıñ kederli 70 yıllığını qayd etmek içün Ukrainada bulunğanım Qırım işğalini tanımağanımız ve qırımtatarlarnı iç bir vaqıt unutmaycağımıznı ifadeley», - dep qayd etti Füle.
Štefan Füle vade etkenine köre, Avropa Birligi OSCE milliy azlıqlar işleri komissarı Astrid Tors ile birlikte bu meseleni halqara toplulıqqa yetkizmek usullarını qıdıracaq.
Bugün Ukraina tış işler Nazirligi dünyanı Rusiye istilâsını toqtatmaq ve qırımtatarlarğa qol tutmağa çağırdı. Rusiyeniñ Qırım işğalinden sebep qırımtatar halqı kene de zorbalıq ve terror havfı altında qaldı, dep bildire Ukraina tış işler Nazirligi.
Qırımnıñ öz başına ilân etilgen akimiyeti «Ukraina cenüp-şarqındaki adise-vaqialardan sebep» yarımadada iyün 6-na qadar kütleviy tedbirler keçirilmesini sıñırlamağa qarar aldı. Ekspertlerniñ fikirince, böyle etip, Qırım «akimiyeti» Qırımda sürgünlik Kününe bağışlanğan matem tedbirlerniñ keçirilmesini nezaret altına almağa tırışa.
«Menim qırımtatarlarnıñ kederli 70 yıllığını qayd etmek içün Ukrainada bulunğanım Qırım işğalini tanımağanımız ve qırımtatarlarnı iç bir vaqıt unutmaycağımıznı ifadeley», - dep qayd etti Füle.
Štefan Füle vade etkenine köre, Avropa Birligi OSCE milliy azlıqlar işleri komissarı Astrid Tors ile birlikte bu meseleni halqara toplulıqqa yetkizmek usullarını qıdıracaq.
Bugün Ukraina tış işler Nazirligi dünyanı Rusiye istilâsını toqtatmaq ve qırımtatarlarğa qol tutmağa çağırdı. Rusiyeniñ Qırım işğalinden sebep qırımtatar halqı kene de zorbalıq ve terror havfı altında qaldı, dep bildire Ukraina tış işler Nazirligi.
Qırımnıñ öz başına ilân etilgen akimiyeti «Ukraina cenüp-şarqındaki adise-vaqialardan sebep» yarımadada iyün 6-na qadar kütleviy tedbirler keçirilmesini sıñırlamağa qarar aldı. Ekspertlerniñ fikirince, böyle etip, Qırım «akimiyeti» Qırımda sürgünlik Kününe bağışlanğan matem tedbirlerniñ keçirilmesini nezaret altına almağa tırışa.
