Cuma künü AQŞ Devlet departamenti 1944 senesi vatan Qırımdan sürgün etilgen 230 biñden ziyade qırımtatarı sürgünliginiñ 70 yıllığınen bağlı beyanatnı tarqattı. Vesiqada qayd etilgenine köre, bugünde-bugün bu vaqia «aqılımızda ayrı bir yer tuta».
Devlet departamentiniñ qıymet kesüvine köre, bu kütleviy quvuv neticesinde olğan dert ve azaplarnı ifadelemek kuç. Merkeziy Asiya, Ural ve Sibirge sürgün olunğanlar açlıq, hastalıq ve repressiyalarğa oğradılar, dep hatırlata Amerika tış işler nazirligi. Sürgün etilgenlerniñ aman-aman yarısı, esasen qadın ve balalar, 1944 ve 1947 seneleri devamında can berdiler. Bir çoq qırımtatarlar ve olarnıñ evlâtları alâ daa ğurbetlikte yaşaylar, dep hatırlata AQŞ Devlet departamenti.
Çoqusı qırımtatarlarnıñ aqılında bu adaletsizlik alâ daa bar ve Rusiye işğali ve Qırımnı qanunsız alda işğal etmek ıntıluvları kene de eski yaralarnı açtı, denile beyanatta.
Qayd etile ki, Qırımda insan aqlarınıñ bozuluv cedveli er afta arta. Öldürüv, köteklev ve qırımtatarlar ve diger halqlar vekillerini hırzılav adiy bir şeyge çevirildi. Yerli «şorbacılar» qırımtatarlar mal-mülkini boşatmaq ve topraqtan vazgeçmek kerek olğanlarını bildirdiler. Qırımtatarlarğa ücüm eteler, olarğa ana tilinde laf etmege imkân bermeyler, halq lideri Mustafa Cemilevge ise Qırımğa beş yıl devamında qaytmağa yasaq etildi. Biñlerce qırımtatarlar telükesizlik içün qasevetlenip, Qırımdaki evlerini terk ettiler, dep bildirdi Devlet kâtibi.
AQŞ akimiyeti dey ki, bizler 1944 senesiniñ faciasını ağır yüreknen qayd etemiz, qırımtatarlarğa birdemlik kösteremiz. Bizler Ukraina bir olması ve topraq bütünligine qol tutamız, Ukraina, şu cümleden Qırımda insan aqlarına riayet etilmesine sadıqmız, dep qayd etile Devlet departamentiniñ beyanatında.
Devlet departamentiniñ qıymet kesüvine köre, bu kütleviy quvuv neticesinde olğan dert ve azaplarnı ifadelemek kuç. Merkeziy Asiya, Ural ve Sibirge sürgün olunğanlar açlıq, hastalıq ve repressiyalarğa oğradılar, dep hatırlata Amerika tış işler nazirligi. Sürgün etilgenlerniñ aman-aman yarısı, esasen qadın ve balalar, 1944 ve 1947 seneleri devamında can berdiler. Bir çoq qırımtatarlar ve olarnıñ evlâtları alâ daa ğurbetlikte yaşaylar, dep hatırlata AQŞ Devlet departamenti.
Çoqusı qırımtatarlarnıñ aqılında bu adaletsizlik alâ daa bar ve Rusiye işğali ve Qırımnı qanunsız alda işğal etmek ıntıluvları kene de eski yaralarnı açtı, denile beyanatta.
Qayd etile ki, Qırımda insan aqlarınıñ bozuluv cedveli er afta arta. Öldürüv, köteklev ve qırımtatarlar ve diger halqlar vekillerini hırzılav adiy bir şeyge çevirildi. Yerli «şorbacılar» qırımtatarlar mal-mülkini boşatmaq ve topraqtan vazgeçmek kerek olğanlarını bildirdiler. Qırımtatarlarğa ücüm eteler, olarğa ana tilinde laf etmege imkân bermeyler, halq lideri Mustafa Cemilevge ise Qırımğa beş yıl devamında qaytmağa yasaq etildi. Biñlerce qırımtatarlar telükesizlik içün qasevetlenip, Qırımdaki evlerini terk ettiler, dep bildirdi Devlet kâtibi.
AQŞ akimiyeti dey ki, bizler 1944 senesiniñ faciasını ağır yüreknen qayd etemiz, qırımtatarlarğa birdemlik kösteremiz. Bizler Ukraina bir olması ve topraq bütünligine qol tutamız, Ukraina, şu cümleden Qırımda insan aqlarına riayet etilmesine sadıqmız, dep qayd etile Devlet departamentiniñ beyanatında.
