Link açıqlığı

Ukraina baş naziri Arseniy Yatsenük ukrain ve qırımtatar halqları qardaş halq olıp qalacağını qayd ete.

Bunı o cuma künü, mayıs 16-da, Kiyevde Ukraina Milliy operasında sürgünlik qurbanlarınıñ hatırasınıñ 70 yıllığına bağışlanğan rekviyem vaqtında bildirdi, dep haber ete Nazirler kabinetiniñ matbuat hızmeti.

Yatsenük qırımtatarlarnıñ sürgünliginiñ 70 yıllığı «ukrain ve qırımtatarlarnıñ umumiy Vatanınıñ» işğali ile bir vaqıtqa kelgenini qayd etti.

«Biz bugün qırımtatar ve ukrain halqlarından: bizim Vatanımız, bizim torpağımız, ve Qırımnı bizden kimse tutıp alamaz, degen sözlerni eşitmek içün 40 yıl beklemek kerek olmağanını bilemiz. Ğurur ile aytam, ukrain ve qırımtatar halqı – qardaş halqlardır, edi, bar ve bar olacaqlar. Stalin bolşevikler ile sürgünlik neticesinde halqnı yoq ete bilecegini tüşüne ediler. İç bir zaman. Bu halq onı sürgün etken rejimni yoq etti. Qırımtatarlar bar, bolşevikler ise yoq. Öyle de olacaq»,– dedi baş nazir.

Yatsenük Ukraina akimiyeti ve parlamenti tarafından qırımtatarlarnıñ abadanlaştıruvı içün etken areketlerinde halqnıñ yetekçisi Mustafa Cemilevniñ olğan yaralıqlarını da qayd etti.
XS
SM
MD
LG