Link açıqlığı

Saatnıñ esas haberi

AB Ukraina Avropanıñ agrosanayi merkezi ola bilecegini tüşüneler


Ukraina devamlı iqtisadiy islâatlarğa diqqat emeli.

Bunı İsveçiya çetel işler nazirliginiñ naziri Karl Bildt Ukraina ziyareti devamında bildirdi, dep haber ete Radіo Svoboda.

Ukraina akimiyetiniñ effektiv siyaseti ve AB destegi ileride memleketni Avropa agrosanayi merkezi ete bilecek, dep tüşüne Bildt.

«Ukrainağa AB tarafından etilgen esas yardım – Rusiyege qarşı cezalar degildir, çünki sanktsiyalarnıñ çalışmağa başlanması içün vaqıt kerek. Eñ müimi, Ukrainağa demokratiya stabilligini, iqtasadiy islâatlarnıñ işançlılığını ve devlet idaresiniñ pişkinligini temin etmek», – dep tüşüne o.

Siyasetçi emindir ki, Ukrainanıñ mustaqilligi yıllarında o iqtisadiy inkişafnıñ yañlış yolu ile kete edi. Faqat şimdi çoq yıllıq maliye ve idare etüv buhrannıñ aqibetlerini tazmin emtek vaqıt keldi, qayd etti Bildt.

«Büyük qabaat Yanukoviçte ve onıñ yolbaşçılığı vaqtında üküm sürgen qabarcılıqtadır. Büyük, amma bütün degil. Şimdi buhrannıñ tamırları terendir. Faqat men baş nazir Yatsenük akimiyetiniñ islâatlarını alğışlayım. Olardan bazıları cemiyette pek populâr olmasa da, episi bir, kerekler»,– dey Bildt.

İsveçiya çetel işler naziri Ukrainada mayıs 17 künü keçirilecek Avropa Kününe bağışlanğan tedbirerde iştirak etecek.
XS
SM
MD
LG