Rusiye prezideti Vladimir Putin Stalin repressiyalarından er kesden ziyade rusiyeliler zarar körgenini iddia ete.
Bunı Putin Sürgünlik künü arfesinde, mayıs 16 künü, qırımtatar temsilcileri ile körüşüv devamında bildirdi, dep haber ete Radio Svoboda.
«Bilesiñizmi, repressiyalar neticesinde zararnı tek qırımtatar halqı körmedi de. Er kesten ziyade rus halqı horlandı. Daa 20-30 seneleri repressiyalar başlandı, kazak, papazlardan başlandı. Soñra kulaklar ve o zamandaki siyasiy rejiminiñ duşmanlarınıñ sırası keldi»,– dedi Putin.
Bunıñnen beraber o şunı da dey ki, qırımtatar halqı «belki de» digerlerge köre daa da ziyade zarar kördi, çünki öz tuvğan yerlerine Stalin repressiyaları neticesinde sürgün etilgen halqlardan eñ keç vaqıtta qaytıp oldı.
Putin şunı da qayd ete, aprel 21 künü o, qırımtatar halqınıñ reabilitatsiyası aqqında fermannı imzaladı ve «o medeniy, siyasiy reabilitatsiya ile bağlı tedbirlerniñ negizi olacağına» ümüt etey eken.
Rusiye prezidenti keçken 20 yıl içinde «öz tuvğan yerlerine Tacikistan, Özbekistan, Qazahistandan köçip kelgen qırımtatarlarğa qol tutmaq içün çoq şey etilmegenini» qayd etti.
Faqat, onıñ sözlerine köre, «qırımtatar halqı davalarnıñ, hususan Rusiye ve Ukraina arasında keçken davalarınıñ qurbanları olmamaq kerek». Rusiye prezidenti bugün Qırımnıñ öz başına ilân etilgen «Devlet şurasınıñ» «spikeri» Vladimir Konstantinov ve işğal etilgen Qırımnıñ «baş naziri» Sergey Aksönovnıñ başlığında eyyet ile körüşti
Öz başına tayin etilgen Qırım «akimiyeti» iyün 6-na qadar yarımadada «Ukraina cenübiy-şarqındaki adiseler sebebinden» kütleviy tedbirlerni yasaqladı. Ekspertlerniñ fikirine köre, böyleliknen Qırım «akimiyeti» Qırımda Sürgünlik
kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.
Bunı Putin Sürgünlik künü arfesinde, mayıs 16 künü, qırımtatar temsilcileri ile körüşüv devamında bildirdi, dep haber ete Radio Svoboda.
«Bilesiñizmi, repressiyalar neticesinde zararnı tek qırımtatar halqı körmedi de. Er kesten ziyade rus halqı horlandı. Daa 20-30 seneleri repressiyalar başlandı, kazak, papazlardan başlandı. Soñra kulaklar ve o zamandaki siyasiy rejiminiñ duşmanlarınıñ sırası keldi»,– dedi Putin.
Bunıñnen beraber o şunı da dey ki, qırımtatar halqı «belki de» digerlerge köre daa da ziyade zarar kördi, çünki öz tuvğan yerlerine Stalin repressiyaları neticesinde sürgün etilgen halqlardan eñ keç vaqıtta qaytıp oldı.
Putin şunı da qayd ete, aprel 21 künü o, qırımtatar halqınıñ reabilitatsiyası aqqında fermannı imzaladı ve «o medeniy, siyasiy reabilitatsiya ile bağlı tedbirlerniñ negizi olacağına» ümüt etey eken.
Rusiye prezidenti keçken 20 yıl içinde «öz tuvğan yerlerine Tacikistan, Özbekistan, Qazahistandan köçip kelgen qırımtatarlarğa qol tutmaq içün çoq şey etilmegenini» qayd etti.
Faqat, onıñ sözlerine köre, «qırımtatar halqı davalarnıñ, hususan Rusiye ve Ukraina arasında keçken davalarınıñ qurbanları olmamaq kerek». Rusiye prezidenti bugün Qırımnıñ öz başına ilân etilgen «Devlet şurasınıñ» «spikeri» Vladimir Konstantinov ve işğal etilgen Qırımnıñ «baş naziri» Sergey Aksönovnıñ başlığında eyyet ile körüşti
Öz başına tayin etilgen Qırım «akimiyeti» iyün 6-na qadar yarımadada «Ukraina cenübiy-şarqındaki adiseler sebebinden» kütleviy tedbirlerni yasaqladı. Ekspertlerniñ fikirine köre, böyleliknen Qırım «akimiyeti» Qırımda Sürgünlik
kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.
