Link açıqlığı

Öz başına ilân etilgen «Devlet şurasınıñ» deputatı Lentun Bezaziyev qırımtatar halqınıñ 61% yarımadada öz ev ve kvartirası bar olğanını iddia ete.

Bunı o, mayıs 16 künü Rusiye prezidenti Vladimir Putin ile körüşüv devamında bildirdi, dep haber ete Kremlniñ matbuat hızmeti.

«Bugün mesken ile vaziyet böyledir: bu yıllar devamında 470 biñ kvadrat metr mesken qullanuvğa berildi, qırımtatar halqınıñ 61% öz ev ve kvartiraları bar, 4,3% yataqhanelerde yaşay, 10%, tahminen 7 biñ insan, nevbette tura»,– dep ayttı Bezaziyev.

Bundan da ğayrı, onıñ aytqanına köre, qırımtatarlarnıñ tahminen 25% «samozahvat»larda yaşay eken.

«Olar «samozahvat»larda yaşaylar. Demek, bizge tahminen 10-11 biñ yer damartasını resmiyleştirmege kerek», – dedi deputat.

Rusiye prezidenti bugün Qırımnıñ öz başına ilân etilgen «Devlet şurasınıñ» «spikeri» Vladimir Konstantinov ve işğal etilgen Qırımnıñ «baş naziri» Sergey Aksönovnıñ başlığında eyyet ile körüşti.
XS
SM
MD
LG