Qırımtatar milliy Meclisiniñ reisi Refat Çubarov Qırım «prokurorı» Natalya Poklonskayanı Qırımnıñ «baş naziri» Sergey Aksönovnıñ mayıs 18 künü Aqmescitte umumqırım matem mitinginiñ keçirilmesini yasaq etken qararınıñ qanuniy tarafını ögrenmege çağırdı.
Bunı Çubarov mayıs 16 künü keçirilgen matbuat konferentsiya devamında bildirdi, dep heaber ete Qırım.Aqiqat mühbiri.
Böyleliknen, Çubarov jurnalistlerge Rusiye prezidenti Vladimir Putin tarafından aprel 21 künü imzalanğan Qırım halqlarınıñ reabilitatsiyası aqqında qanunnı kösterdi. Mında mayıs 18 künü matem tedbirlerniñ keçirilmesine akimiyet qol tutmaq kerekligini belgilegen qaide bardır.
Demek, qayd etti Meclis reisi, Aksönovnıñ qararı işbu qanunğa ters kele.
Bunıñnen beraber, Meclis reisi mezkür qarar Qırımda yerli organlar tarafından eda etilmege başlağanını qayd etti.
Mayıs 16 künü Meclis Aqmescitniñ şeer başı muavini İlya Glazkovdan mayıs 17 künü keçirilmesi planlaştırılğan «Yüregiñde ateş yaq!» numayışınıñ keçirilmesini lâğu etken mektüpni aldı.
Bu sebepten Çubarov Qırım «prokurorı» Natalya Poklonskayağa yuqarıda añılğan emirlerniñ qanuniy tarafını ögrenmege çağırdı.
«Qırım «akimiyeti» tarafından meydanğa ketirilgen işbu vesiqalarğa Rusiye Federatsiyasınıñ prokuraturası da qıymet kesecegine ümüt etem», – dedi o.
Onıñ sözlerine köre, işbu meseleni endi OBSE ve BMT muzakere ete eken.
Bunı Çubarov mayıs 16 künü keçirilgen matbuat konferentsiya devamında bildirdi, dep heaber ete Qırım.Aqiqat mühbiri.
Böyleliknen, Çubarov jurnalistlerge Rusiye prezidenti Vladimir Putin tarafından aprel 21 künü imzalanğan Qırım halqlarınıñ reabilitatsiyası aqqında qanunnı kösterdi. Mında mayıs 18 künü matem tedbirlerniñ keçirilmesine akimiyet qol tutmaq kerekligini belgilegen qaide bardır.
Demek, qayd etti Meclis reisi, Aksönovnıñ qararı işbu qanunğa ters kele.
Bunıñnen beraber, Meclis reisi mezkür qarar Qırımda yerli organlar tarafından eda etilmege başlağanını qayd etti.
Mayıs 16 künü Meclis Aqmescitniñ şeer başı muavini İlya Glazkovdan mayıs 17 künü keçirilmesi planlaştırılğan «Yüregiñde ateş yaq!» numayışınıñ keçirilmesini lâğu etken mektüpni aldı.
Bu sebepten Çubarov Qırım «prokurorı» Natalya Poklonskayağa yuqarıda añılğan emirlerniñ qanuniy tarafını ögrenmege çağırdı.
«Qırım «akimiyeti» tarafından meydanğa ketirilgen işbu vesiqalarğa Rusiye Federatsiyasınıñ prokuraturası da qıymet kesecegine ümüt etem», – dedi o.
Onıñ sözlerine köre, işbu meseleni endi OBSE ve BMT muzakere ete eken.
