Link açıqlığı

Qırımda mayıs 18, 22, 25 künleri kütleviy sürette elektroenergiyanı söndürecekler.

Bunı DTEK «Krımenergo» matbuat hızmeti bildire.

Onıñ malümatına köre, müessisege «Qırım energetik tertibatı»ndan eki mektüp kelgen eken. Mında qazaiy söndürüvler cedveli boyunca ola bilecek yükletüvniñ tüşmesi ve eki yolaqnıñ tamir işleri aqqında yazıla: Aqmescit-Bağçasaray 220kV ve Canköy-Aqmescit 330 kV.

«Biz yolaqlarnıñ tamir işleriniñ grafigi ile tanışmız: Canköy-Aqmescit mayıs 18 ve 25 künleri saat s 6:00-19:00 ve aynı vaqıtta mayıs 22 künü Aqmescit-Bağçasaray»,– denile messacta.

«Magistral yolaqlarnıñ ola bilecek qazaiy söndürüvlerde «Qırım energetik tertibatı»nıñ dispetçeri DTEK «Krımenergo»dan qazaiy söndürüv grafigini (QSG) kirsetmege talap ete bilecek. QSG içtimaiy emiyetli obyektlerge ait degil», – qayd eteler matbuat hızmetinde.
XS
SM
MD
LG