Link açıqlığı

BMT Ukraina şarqında zorbalıqnıñ artması ve insan aqları ile bağlı vaziyetiniñ «telâşlı osallığı» aqqında tenbiyeley.

BMT insan aqları boyunca müessisesiniñ başı Nevi Pilley öz arizasında Rusiyege «qoşulğan» Qırımda qırımtatarlarnıñ zulumı ve qorquzuvı aqqında ayta, dep haber ete Radio Svoboda.

Kiyevde cuma künü BMT baş kâtibi muavini İvan Şimonoviç aşkâr etken arizada Ukraina şarqında akimiyetke qarşı çıqqan insanlar tarafından qırımtatarlarnıñ ölüdürüvi, azabı, qıynavı aqqında malümatlar ketirile.

Aynı şu zamanda Rusiye çetel işler nazirligi BMT arizasını qattı tenqitke oğrattı.

Cuma künü öz başına tayin etilgen Qırım baş naziri Sergey Aksönov Ukrainanıñ cenübiy-şarqında yüz bergen adiseler sebebinden Qırım Cumhuriyetine kelmege imkânı olğan ekstremistler tarafından etile bilecek tariklerniñ ögüni almaq ve Qırım Cumhuriyetinde kurort mevsiminiñ olması içün 2014 senesi iyün 6-na qadar kütleviy tedbirlerni yasaqladı.

Qırımtatar milliy Meclis reisi muavini Nariman Celâlov qırımtatarlarnıñ stalin sürgünliginiñ 70 yıllığına bağışlanğan miting ve yürüşlerde mayıs 18 künü tahminen 40 biñ insan iştirak etecegini bildirdi.

Qırımğa kirmege imkânı olmağan Meclisniñ sabıq başı Mustafa Cemilev «Radio Svoboda»ğa bergen intervyüde qırımtatarlarnıñ 98-99% Rusiye akimiyeti Qırımnı terk etkenine ümüt besley ve Rusiye vatandaşlığını qabul etmege istemegenini bildire.

Yuqarı Şurasınıñ reisi, Ukraian prezidenti vazifelerini eda etken Oleksandr Turçinov öz emri ile mayıs 18-ni qırımtatar halqınıñ aqqı oğrunda küreş künü olaraq ilân etti.
XS
SM
MD
LG