Link açıqlığı

Milliy hatıra institutı Qırımnıñ Ukraina ile bağı aqqında leyhanı işlep çıqara


Milliy hatıra Ukraina intsitutı Qırım tarihına, Qırımnıñ Ukraina topraqları ile medeniy ve tarihiy bağları aqqında «Qırımımız» leyhanı başlay.

Bunı Milliy hatıra Ukraina intsitutınıñ matbuat hızmeti bildire.

Rusiyeniñ tecavuziy teşviqatına qarşı Milliy hatıra Ukraina institutı faal maarif areketini alıp bara. Leyhanıñ çerçivesinde Qırım yarımadasınıñ inkişaf hususiyetleriniñ er taraflama aydınlatuvı planlaştırıla.

«Rusiyeniñ arbiy istilâsı informatsion cenk, tarihiy efsane ve stereotiplerniñ bezgelek teşviqatı ile ozğarıla. Er vaqıt: «Qırım evel-ezelden rus toprağıdır» efsanelerge qarşı tek olarnıñ savurıluvı ile çıqmağa mümkün», – denile matbuat hızmetiniñ beyanatında.

Leyhanıñ çerçivesinde Qırımnıñ saibi olmaq içün halqara küreş, yarımadanıñ tamır halqlarını sürgün etmek içün Rusiye ve Sovet yolbaşçılığınıñ genotsid siyaseti kibi şeyler baqıla. Leyhada Qırımnı Ukraina ile bağlağan siyasiy, iqtisadiy, medeniy noqtalar da belgilenecek.

Malümatlar 1783 senesi Qırımnıñ Rusiye imperatorlığı tarafından zapt etilgeninden 2014 senesine qadar, Rusiyeniñ Ukraina toprağınıñ zapt etilgenine qadar devirni qaplap alacaq.

«Qırımımız» leyhanıñ maqale ve vesiqaları İnstitutnıñ resmiy saytında ve «İstoriçeskaya Pravda» saytında aşkâr etilecek.
XS
SM
MD
LG