Rusiye Federatsiyasında insan aqları boyunca vekâletli Ella Pamfilova Aqmescitte qırımtatarlarnıñ vekilleri ile körüşmege niyetinde, dep haber ete öz başına ilân etilgen Qırım «akimiyet»ine yaqın olğan «Krıminform» saytı.
«Men olarnıñ istek, teklif ve rast kelgen meselelerni ögrenmege isteyim», – dedi jurnalistlerge Aqmescitte bulunğan Pamfilova.
O, öz başına tayin etilgen Qırım baş naziri Sergey Aksönovnıñ qırımtatarlarnıñ sürgünliginiñ 70 yıllığına bağışlanğan matem tedbirleriniñ keçirilmesi arfesinde imzalağan «emir»ni da izaatladı.
«Fikrimce, yasaqlar ile ciddiy sualler al etilmey, menim qattı işançımdır», – dedi o.
O şunı da qayd etti ki, Rusiyede miting, yürüş, numayışlar aqqında qanun bar ve «bütün qararlar bu qanunğa riayet etmeli».
«Kontaktnı tapmaq kerek, er şey medeniy ve vatandaşlar içün havfsız sürette keçirilmesi içün qararlar alınmalı. Bunıñ ile vatandaşlıq ve diger aqlarğa ziyan ketirmemek kerektir», – dedi ombudsmen.
O, Rusiyege qırımtatarlarnıñ yetekçisi Mustafa Cemilevniñ Rusiyege kirişi yasaq etilgeni aqqında peyda olğan malümat ile bağlı muracaatlarnı bütün mütenasip organlarğa yollağanını da hatırlattı.
«Bizde çetel vatandaşlar aqqında qanunımız bar, 11*nci madde Rusiye Federatsiyası meydanlığında çetel vatandaşlarnıñ serbest bulunğanını temin ete. Eger de bozuluv qayd etilse, tabiiy ki, men Rusiye qanunları ve Anayasağa köre areket etecem», – dedi Pamfilova.
Bugün Qırım «akimiyetiniñ» resmiy Faсebook saifesinde «Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir» yerliştirildi. Уasaq 2014 senesi iyün 6-na qadar işleycektir.
Bu sebepten Meclis azaları mayıs 16 künü üyleden soñ matem mitingi boyünca acele toplaşuvnı keçirecekler.
«Men olarnıñ istek, teklif ve rast kelgen meselelerni ögrenmege isteyim», – dedi jurnalistlerge Aqmescitte bulunğan Pamfilova.
O, öz başına tayin etilgen Qırım baş naziri Sergey Aksönovnıñ qırımtatarlarnıñ sürgünliginiñ 70 yıllığına bağışlanğan matem tedbirleriniñ keçirilmesi arfesinde imzalağan «emir»ni da izaatladı.
«Fikrimce, yasaqlar ile ciddiy sualler al etilmey, menim qattı işançımdır», – dedi o.
O şunı da qayd etti ki, Rusiyede miting, yürüş, numayışlar aqqında qanun bar ve «bütün qararlar bu qanunğa riayet etmeli».
«Kontaktnı tapmaq kerek, er şey medeniy ve vatandaşlar içün havfsız sürette keçirilmesi içün qararlar alınmalı. Bunıñ ile vatandaşlıq ve diger aqlarğa ziyan ketirmemek kerektir», – dedi ombudsmen.
O, Rusiyege qırımtatarlarnıñ yetekçisi Mustafa Cemilevniñ Rusiyege kirişi yasaq etilgeni aqqında peyda olğan malümat ile bağlı muracaatlarnı bütün mütenasip organlarğa yollağanını da hatırlattı.
«Bizde çetel vatandaşlar aqqında qanunımız bar, 11*nci madde Rusiye Federatsiyası meydanlığında çetel vatandaşlarnıñ serbest bulunğanını temin ete. Eger de bozuluv qayd etilse, tabiiy ki, men Rusiye qanunları ve Anayasağa köre areket etecem», – dedi Pamfilova.
Bugün Qırım «akimiyetiniñ» resmiy Faсebook saifesinde «Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir» yerliştirildi. Уasaq 2014 senesi iyün 6-na qadar işleycektir.
Bu sebepten Meclis azaları mayıs 16 künü üyleden soñ matem mitingi boyünca acele toplaşuvnı keçirecekler.
