Link açıqlığı

Saatnıñ esas haberi

Sürgünlik kününe bağışlanğan matem tedbirlerinde Qırımda «birinci şahıslar» iştirak etmeyler


İşğal etilgen Qırımnıñ «birinci şahısları» Sürgünlik kününe bağışlanğan matem tedbirlerini körmemezlikke ura.

«Akimiyet»niñ matbuat hızmeti bildirgenine köre, Qırım «akimiyet»iniñ vekilleri Qırımdan sürgün etilgen insanlarnıñ hatırasına tiklengen abidege gülçemberler qoydı.

«Gülçemberler vokzal yanındaki soqaqtaki taşqa, Vernadskiy adına Nebatat bağçası sıñırında olğan hatıra abidesine ve Qırım müendis-pedagogika universitetiniñ meydanlığındaki «Vozrojdeniye» abidesine qoyuldı», – denile matbuat hızmetiniñ beyanatında.


Faqat, gülçemberlerni qoymağa kelgenlerniñ arasında ne Qırımnıñ öz başına tayin etilgen baş naziri Sergey Aksönov, ne Qırım parlamentiniñ «spikeri» Vladimir Konstantinov bar edi.

Bazı malümatlarğa köre, olar şimdi Moskvada bulunalar.

İşbu künge bağışlanğan daa bir hatıra tedbiri cuma künü saat 15:00 Aqmescitniñ Qırım akademik ukrain muzıkalı teatrinde olıp keçecek. Mında rekviyem olacaqtır.

Bugün Qırım «akimiyetiniñ» resmiy Faсebook saifesinde «Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir» yerliştirildi. Onı öz başına tayin etilgen Qırım baş naziri Sergey Aksönov imzaladı. «Qanun»ğa köre, yasaq 2014 senesi iyün 6-na qadar işleycektir.

Buñа köre, «akimiyet organlarına» ve medeniyet müessiselerine planlaştırılağan kütleviy tebdirlerni lâğu etmege emir berildi.

Ekspertlerniñ fikirine köre, böyleliknen Qırım «akimiyeti» Qırımda Sürgünlik kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.

Qırım «içki işler nazirliginde» matem tedbiriniñ iştirakçilerine metallodetektorlardan keçmege kerek olğanını qayd eteler.Mayıs 15 künü Aqmescit merkezine polis ve arbiy tehnikanı ketirdiler.
XS
SM
MD
LG