Link açıqlığı

Saatnıñ esas haberi

Ukrainada kelecek prezident vekâletleriniñ müddetini belgilediler


Mays 25-de nevbetten tış prezident saylavlarında saylanğan Ukraina prezidenti öz vazifesini 5 yıl devamında eda etecek, böyle qararnı Anayasa mahkemesi aldı, dep haber ete Radio Svoboda.

«Ukraina anayasasınıñ 103 maddesiniñ 1,5 qaidelerini böyle añlamaq kerek, Ukraina prezidenti Ukraina vatandaşları tarafından em nevbetten tış, en nevbetteki saylavlarda 5 yıllıq müddetke saylana», – dep aytıla Anayasa mahkemesiniñ reisi Yuriy Baulin seslendirgen beyanatta.

Onıñ aytqanına köre, Ukraina Anayasa mahkemesiniñ qararı Ukraina meydanlığında mıtlaqa eda etilmeli, itiraz etilmeycek kesen-kes alınğan qarardır ve Ukrainanıñ resmiy neşirlerinde neşir olunmalı.

Aprel soñunda 101 deputattan ibaret olğan taqım – UDAR firkasınıñ lideri Vitaliy Kliçko da şu cümleden, Ukraina Anayasa mahkemesine 2015 senesi mart ayında prezident saylavlarınıñ keçirilmesini belgilegen qaideniñ çalışuvı aqqında muracaatnı yolladı.
XS
SM
MD
LG