Link açıqlığı

Qırımda Rusiye Silâlı quvetlerinde hızmet etmege istegen sabıq ukrain arbiy hızmetçilerni yañı hızmet yerilerine yollamağa başladılar.

Bunı öz Facebook saifesinde Arbiy-siyasiy taqiqat merkeziniñ yolbaşçısı Dmıtro Tımçuk bildirdi.

«Rusiye tarafını alğanlarnı Kavkaz regionınıñ Rusiye arbiy qısımlarına, esasen Dagıstanğa yollaylar», — dep yazdı o.

Tımçuk şunı da qayd etti ki, şimdi Qırımda acele hızmetke gençlerni çağıralar, olarnı da, onıñ aytqanına köre, yarımadanıñ tışına yollamağa isteyler.

Qırım «akimiyeti» yarımadanıñ voyenkomatları yanında Federal migratsion hızmetiniñ bölüklerini açmağa qarar aldı. Böyleliknen qıtaiy Ukrainadan Qırımğa qaytqanlar Rusiye pasportlarını qolay ala bilecekler. Qırım deputatı Svetlana Savçenkonıñ atqanına köre, qıtaiy Ukrainada hızmet etken aman-aman episi qırımlılar yarımadağa qaytıp kelgen ekenler.
XS
SM
MD
LG