Link açıqlığı

Cuma kunü, mayıs 6-da, üyleden soñ qırımtatar milliy Meclisiniñ acele toplaşuvı keçirilecek.

Bunı Qırım.Aqiqat mühbirine Meclisniñ inofrmatsion-analitik idaresiniñ yolbaşçısı Nariman Celâl bildirdi.

Kün tertibinde tek bir sual: Qırımda Sürgünlik kününe bağışlanğan matem tedbirleri olacaqmı ya yoq.

«Meclisniñ toplaşuvı bugün üyleden soñ keçirilecek. Soñra ilân etilecek mütenasip qarlarnı alacaqmız. Toplaşuvdan soñ Refat Çubarov brifingni keçirecek», – dedi Celâl.

Bugün Qırım «akimiyetiniñ» resmiy Faсebook saifesinde «Ukraina cenübiy-şarqındaki adiseler sebebinden kütleviy tedbirlerniñ keçirüv sıñırlanğanı aqqında emir» yerliştirildi. Onı öz başına tayin etilgen Qırım baş naziri Sergey Aksönov imzaladı. «Qanun»ğa köre, yasaq 2014 senesi iyün 6-na qadar işleycektir.

Buñа köre, «akimiyet organlarına» ve medeniyet müessiselerine planlaştırılağan kütleviy tebdirlerni lâğu etmege emir berildi.

Ekspertlerniñ fikirine köre, böyleliknen Qırım «akimiyeti» Qırımda Sürgünlik kününe bağışlanğan tebdirlerni bütünley öz nezareti altına almaq ve matem tedbirlerni Aqmescitniñ merkeziy meydanında OMON kontroli ile keçirilecek miting ile sıñırlamaq istey.

Qırım «içki işler nazirliginde» matem tedbiriniñ iştirakçilerine metallodetektorlardan keçmege kerek olğanını qayd eteler.Mayıs 15 künü Aqmescit merkezine polis ve arbiy tehnikanı ketirdiler.
XS
SM
MD
LG