Link açıqlığı

Aqmescitniñ kötere çarşısında tsitrus fiyatları bir afta içinde 12-40 % paalaştı. Bu «APK-İnform: sebze ve meyva» er künlik nezaret leyhasınıñ neticeleri.

Al-azırda «Krımskiy privoz» kötere çarşısında limonlarnıñ fiyatı 27,5-28,5 grn/kg, keçken aftağa köre, 12-15 % paalaştı. Leyhanıñ malümatına köre, 2013 senesi mayıs ortalarında Qırımda limonlarnı 1,7 kere ücüzca sata ediler.

«Krımskiy privoz»da portaqallar bir afta içinde 25-30% paalı oldı, bugün olarnı 16-17 grn/kg fiyatı ile satalar. Agrar mütehassısları aytqanı kibi, yıl evelsi portaqal kötere çarşılarda 1,5 kere ücüz edi.

Eñ ziyade mandarinlerniñ fiyatı köterindi. Bugün olarnı Qırımda 27-28 grn/kg fiyatı boyunca satalar. Afta evelsi olğan fiyatqa köre, bugün 40% paalı oldı. Yıl evelsi 1,8 kere ücüz edi.

Tsitruslarnıñ paalılaşqanını leyhanıñ ekspertleri grivnanıñ dollar ve avroğa köre ücüzlaşqanı ile bağlaylar.

Qırım işğalinden soñ yarımadada aşayt mallarınnıñ ketirüvi ile problemler peyda olmağa başladı, bu sebepten fiyatlar da köterile.
XS
SM
MD
LG