Link açıqlığı

Aqmescit ve Ukrainanıñ ileri yeudeylik toplulıqlarınıñ ravvini Mihail Kapustin qorantası ile diger memleketke köçip ketti, dep bildire AN-Krım.

«E, men endi kettim. Men Qırımğa bazı meselelerni çezmek içün kelgen edim, ailem ise çoqtan berli mında degildir», – dedi o neşirniñ jurnalistlerine.

Bunıñnen beraber o, dos-doğru bir şey aytıp olamay, çünki «informatsion cenk vaqıtanda» iç bir intervyü ve izaat bermemege qarar alğan eken.

Mihail Kapustin yaşaycaq memleketini de aytmadı, tek Ukraina olmaycağını qayd etti. «Başta Ukrainağa köçmege istey edim, amma öyle oldı ki, daa uzaqqa ketmege mecburım», – dedi o.

Mihail Kapustin Qırımdan mart ayında ketti. Bazı vaqıt devamında Kiyevde yaşay edi.

Aqmescitte «referendum» arfesinde belgisiz şahıslar Ner-Tamid sinagoga binasınıñ ögüni svastika ve küfür sözler ise yazıp çıqtılar. Qırımnıñ yeudiy teşkilât ve toplulıqlarınıñ birliginde işbu vandalizm eylemi Ukrainanıñ kergin içtimaiy-siyasiy vaziyet ile bağlı olğanını qayd ettiler.
XS
SM
MD
LG