Link açıqlığı

Qırımnıñ öz başına ilân etilgen «ükümeti» Rusiye rublesiniñ grivna kursını deñiştirip, fiyatlar koeffitsiyenti olaraq 1 grivna içün 3 ruble berilecegini belgiledi.

Bunı Qırım iqtisadiyat inkişafı ve ticaret «Nazirligi» Nazirler şurasınıñ qararına esaslanıp bildire.

Bundan evel cumhuriyet «ükümeti» yarımadada Rusiye parasını pekitmek maqsadınen grivna qullanuvını köz ögüne alıp, esaplav koeffitsiyentini bir qaç kere deñiştirgen edi.

Başında olğan 3,8 koeffitsiyentini 3,1 ve 2,8 qadar tüşürgen ediler. Soñra kene de 3,1 derecesinde belgilediler, şimdi ise 3,0 qadar ucuzlaştırdılar.

Qırım iş adamlarına mal ve hızmet fiyatlarını ruble birleminde qayd etmege tevsiye etildi.

Bundan ğayrı, mayıs 6-dan başlap Qırımda naqıtsız ödevler Rusiye parası vastasınen yapıla.

Yarımadanıñ öz başına ilân etilgen «akimiyeti» añlata ki, Ukraina Milliy bankınıñ yarımadada ukrain banklarınıñ faaliyetini toqtatmaq qararından sebep yarımadada grivna qullanması imkânsız ola.
XS
SM
MD
LG