Link açıqlığı

Saatnıñ esas haberi

İşğal etilgen Aqmescit şeer yolbaşçısı Sankt-Peterburg ile añlaşma imzaladı


Aqmescitte Qırım paytahtı ve Sankt-Peterburg arasında işbirlik añlaşmasını imzalav tedbiri olıp keçti.

Aqmescit şeer şurasınıñ matbuat hızmeti bildire ki, Aqmescit adından vesiqanı şeer yolbaşçısı Viktor Ageyev, Sankt-Peterburg tarafından ise – şeer ükümetiniñ vali muavini İgor Divinskiy imzaladılar.

«Bugünki vaqianı Qırımnıñ Rusiye ile birleşmesinden soñ Aqmescit ve aqmescitliler içün ekinci derece müim olğanını aytmaq mümkün. Çünki ilk sefer bizler yalıñız eki paytaht – Rusiyeniñ medeniy paytahtı ve Qırım paytahtı – arasında işbirlik añlaşmasını imzalamayıq, ekinci derece federal şeer ile añlaşma imzalaymız», – dep ayttı Ageyev.

Sankt-Peterburg vali muavini İgor Divinskiy añlaşmanı «eki şeer mütehassıslarınıñ büyük ve icadiy işiniñ neticesi» dep adladı.

«Bugün imzalanğan añlaşma – müddetsiz bir vesiqa. Üç yılğa belgilengen işbirlik programması Rusiye Federatsiyasınıñ bücet qanunları ile bağlı. Bizler Aqmescitke semereli yardım köstersek de, eki taraftan da faydalı emekdaşlıq olacağına ümüt etemiz», – dedi o.

Qırım işğalinden soñ Rusiye reberligi Sankt-Peterburg şeerini Aqmescitniñ reberi olaraq tayin etti.
XS
SM
MD
LG