Link açıqlığı

Saatnıñ esas haberi

Ukraina parlamenti repressiyalarğa oğrağan qırımlılarğa yardım etmekten vazgeçti


Ukraina Yuqarı Radası «Qırım Muhtar Cumhuriyeti ve Aqyar şeerinde siyasiy repressiyalarğa oğrağan şahıslarğa yardım programması aqqında» qararğa qol tutmadı.

Bu qararğa sessiya salonında qayd etilgen 251 deputattan 170 halq deputatı qol tuttı, dep haber ete UNİAN.

VO «Svoboda» deputatları tarafından azırlanılğan qarar leyhası Qırım ve Aqyarda siyasiy repressiyalarğa oğratılıp, yaşağan yerlerini terk etmege, işsiz ve mülksiz qalmağa mecbur olğan adamlarnıñ içtimaiy reabilitatsiyası devlet programmasını azırlamağa teklif etti.

Qarar leyhası adamlarğa ev berüv ve emek tapuvnı nazarda tuta.

Bundan evel, mayıs 13-de, parlament repressiyalarğa oğratılğan qırımlılarğa yardım programması aqqında qarar leyhasına qol tutmağan edi.

O vaqıt bu leyhağa 334 halq deputatından 214 kişi rey berdi.
XS
SM
MD
LG